飲姿
展開夜色的大黑布
佇燈下，阿母的手一針一線
穿過暗暝的針空
引出天光的線
一雙紩好的鈕仔
是黑夜展金的目睭
一領 好水紅色的膨紗衫
是透暝開出來的花蕊
繡置卡其衫的學號名字
親像阿母伊額頭的 痕
親像掖佇土跤底發穎的種籽
一舉頭就會看見天光
「來去讀冊──」
伊為我穿插衫褲，牽著我行
一大一小，一步一腳印
腳跡堅定像釘入土的樹根
冊包裡有 曉的習題，算啥物？
驀然回首
阿母手中的那根針線
密密補佇我的來時之路
彎彎曲曲，真像顛躓的腳步
行出家鄉的農村路
親像台灣五十年代的經濟曲線爬懸
親像現代的都市台北101平地而起
坎坎坷坷，佇中途接續轉彎
全站熱搜
留言列表
