林金萱
秋瑟的黃昏
落著綿綿仔雨
暗落來的夜色
為阮披上畏寒的黑衫
火金姑，閃閃爍爍
飛過澹濕的草埔
回頭看
寂靜的紅瓦厝
廳堂內底流露黯淡的燈火
烏暗中，親像一隻飛不振動的火金姑
阮津落的，淚
無聲息。
映照火光，盈盈珠淚金熾熾
一滴一滴
是一隻一隻飛走的火金姑
火金姑，汝欲飛向佗位去？
火金姑，小小火金姑呀
汝是阮的小天使
飛啊飛啊！來照路
阮欲一路追隨汝
火金姑呀，用力飛啊
飛啊飛啊！來照路
毋通中途來歇睏
毋通中途來熄火
火金姑呀！來照路
飛啊飛啊，用力飛啊
飛過烏樹林
飛過烏牢
飛入鐵窗
代阮問一聲：
「我的心肝囝啊，汝食飽未？」
全站熱搜
留言列表
